Kont taf li s-sistemi tal-ikel li għandna bħalissa joħolqu kważi terz tal-emissjonijiet globali ta' gassijiet serra? Is-sistemi tal-ikel huma komponenti soċjali, ekonomiċi u ekoloġiċi kumplessi ħafna, u se jkollna nibdluhom b'mod radikali biex nagħmluhom aktar sostenibbli. Bħala parti mill-Patt Ekoloġiku Ewropew, f'Mejju 2020 il-Kummissjoni Ewropea ppubblikat l-istrateġija tagħha "Mill-Għalqa sal-Platt". Din l-istrateġija għandha l-għan li s-sistemi tal-ikel tagħmilhom ġusti u ta' ġid għas-saħħa u għall-ambjent.