Ir-rebbieħ tal-Premju Sakharov għal-Libertà tal-Ħsieb ta' din is-sena ser jitħabbar fi Strasburgu. Il-President tal-Kummissjoni li ser jispiċċa Jean-Claude Juncker ser jidher quddiem il-Parlament għall-aħħar darba. Il-MPE ser jiddiskutu l-iżviluppi dwar il-Brexit, jivvutaw fuq il-baġit li jmiss tal-UE, u jiddiskutu s-sitwazzjoni fit-Tramuntana tas-Sirja.

EU politics

Sakharov Prize

human rights

climate change

EU budget

UK Brexit

Dalwaqt minn Strasburgu: Il-Premju Sakharov, it-tislima tal-aħħar ta' Juncker, il-Brexit, il-baġit u t-Turkija-Sirja

https://api.multimedia.europarl.europa.eu/documents/20125/5325596/N01-PUB-191018-CMUP-MT.srt

Il-President tal-Parlament David Sassoli ser iħabbar ir-rebbieħ

tal-Premju Sakharov għal-Libertà tal-Ħsieb għall-2019.

Il-kontendenti huma Ilham Tohti, ekonomista fil-ħabs

li qed jiġġieled għad-drittijiet tal-Uyghur fiċ-Ċina;

The Restorers, ħames studenti Kenjani li qed iqajmu kuxjenza dwar il-mutilazzjoni ġenitali femminili;

u l-attivisti politiċi Brażiljani Marielle Franco,

 Chief Raoni u Claudelice Silva dos Santos.

Il-MPE ser jiddiskutu wkoll ix-xogħol magħmul minn Jean-Claude Juncker

matul il-5 snin tiegħu bħala kap tal-Kummissjoni Ewropea.

Juncker u t-tim tiegħu mistennija li jkunu sostitwiti minn Ursula von der Leyen

u l-Kummissjoni ġdida tagħha fl-1 ta' Diċembru.

Il-ħruġ tar-Renju Unit mill-Unjoni Ewropea huwa fl-aġenda plenarja.

Il-Parlament ser jivvota dwar il-pożizzjoni tiegħu dwar il-baġit għall-2020 tal-UE,

waqt li jitlob aktar fondi għal Erasmus, il-ġlieda kontra t-tibdil fil-klima

u l-miżuri biex ikun miġġieled il-qgħad fost iż-żgħażagħ. 

Il-MPE ser jiddiskutu l-konsegwenzi tal-ħidma militari Torka fit-Tramuntana tas-Sirja

kontra l-forzi mmexxija mill-Kurdi wara d-deċiżjoni ta' Washington li jkunu rtirati t-truppi.