Il-kriżi tal-klima qiegħda tibdel id-dinja b'rata mgħaġġla, u l-ġlieda kontra din il-kriżi hija prijorità fuq l-aġenda tal-Unjoni Ewropea. It-tibdil fil-klima qed jhedded li jisposta lil miljuni ta' nies minn pajjiż għal ieħor u minn naħa għal oħra tal-fruntieri. In-Nazzjonijiet Uniti tistma li l-fenomenu waħdu tan-nuqqas ta' ilma jista' jisposta lil 700 miljun persuna sal-2030. Jekk ma tittieħed l-ebda azzjoni, dan ifisser spostament internazzjonali permanenti fuq skala enormi.