Meeting on the subject of: Technology at the service of citizens : perspectives and limits.

President BUZEK chats on facebook

Il-Konferenza dwar il-Futur tal-Ewropa qed tasal għal konklużjoni. Il-plenarja tal-Konferenza ġabret flimkien rappreżentanti tal-panels ma' membri tal-parlamenti Ewropew u nazzjonali, istituzzjonijiet tal-UE, gruppi tas-soċjetà ċivili, imsieħba soċjali u rappreżentanti tal-awtoritajiet lokali u reġjonali. Huma taw l-aħħar irtokki lill-proposti taċ-ċittadini dwar il-valuri Ewropej u d-demokrazija, il-migrazzjoni u l-post tal-UE fid-dinja. Il-plenarja ddiskutiet ukoll rakkomandazzjonijiet dwar is-saħħa, it-tibdil fil-klima, l-ekonomija, il-kultura u t-trasformazzjoni diġitali.

Il-plenarja tal-Konferenza tirfina l-proposti taċ-ċittadini għal UE aħjar

Il-Parlament Ewropew jinsab lest biex japprova formalment l-Att dwar il-Governanza tad-Data. Il-leġiżlazzjoni għandha l-għan li ġġib 'il quddiem il-big data u l-intelliġenza artifiċjali għaċ-ċittadini u negozji Ewropej. Il-MPE jridu jiffaċilitaw u jżidu l-fiduċja fl-iskambju tad-data madwar l-UE. Huma talbu għal regoli aktar stretti dwar il-privatezza u l-prattika tajba, hekk kif qed jaħdmu biex irawmu l-innovazzjoni u l-effiċjenza. Iżda eżattament x'inhija l-"big data" u kif tista' tintuża?

Il-ġbir ta' big data biex jingħataw is-servizzi ta' għada

77% tan-nies fl-UE jippreferu jsewwu l-oġġetti domestiċi tagħhom li jinkisru aktar milli jibdluhom. Il-Parlament qed jimbotta għad-"dritt għal tiswija" fl-UE, li se jħeġġeġ lill-manifatturi jagħmluha aktar faċli għall-konsumaturi biex isewwu l-apparati domestiċi aktar milli jixtru oħrajn ġodda.

Id-dritt għal tiswija: ħajja ġdida għall-oġġetti tal-konsum

Ħajjitna hija ddominata minn skambji online u diġitali. Kemm jekk huma għan-negozju jew għall-pjaċir, biex nixtru jew inbiegħu, inżommu ruħna informati jew sempliċement nikkomunikaw, is-swieq u s-servizzi diġitali ppenetraw kull aspett ta' ħajjitna. Iżda min qed iżomm għajnejh fuq il-pjattaformi u l-kumpaniji li jagħmlu dan kollu possibbli? Id-data personali tagħna hija sikura? Kif tista' tiġi infurzata regolamentazzjoni aħjar? Dawn huma biss uħud mill-mistoqsijiet li żewġ partijiet ewlenin ta' leġiżlazzjoni se jwieġbu: L-Att dwar is-Swieq Diġitali u l-Att dwar is-Servizzi Diġitali.

L-isfera diġitali: "Qed nerġgħu nieħdu l-kontroll f'idejna"

Is-Sessjoni Plenarja tal-Konferenza dwar il-Futur tal-Ewropa ltaqgħet biex tibni fuq ir-rakkomandazzjonijiet speċifiċi li saru mill-Panels taċ-Ċittadini għat-titjib u r-riforma tal-UE. Il-Membri tal-Parlament Ewropew ingħaqdu mal-kontrapartijiet mill-assemblej nazzjonali u r-rappreżentanti mill-istituzzjonijiet tal-UE, is-soċjetà ċivili u l-imsieħba soċjali. Dawn ħadmu mar-rappreżentanti mill-Panels taċ-Ċittadini biex imexxu l-proposti dwar l-ekonomija, it-trasformazzjoni diġitali, is-saħħa u l-edukazzjoni. Is-Sessjoni Plenarja ddibattiet ukoll il-valuri tal-UE u d-demokrazija, il-pożizzjoni tal-blokk fid-dinja u t-tibdil fil-klima.

Is-Sessjoni Plenarja tressaq l-ideat taċ-ċittadini għall-UE ta' għada

L-Unjoni Ewropea trid tkun aktar determinata biex twaqqaf attakki barranin perikolużi fuq id-demokrazija, dik kienet il-konklużjoni ewlenija tal-kumitat speċjali tal-Parlament dwar l-indħil barrani fil-proċessi demokratiċi. Bl-invażjoni Russa tal-Ukrajna, it-teħid ta’ azzjoni qatt ma kien daqshekk importanti. Id-diżinformazzjoni, il-qbid tal-elit, l-attakki ċibernetiċi – il-president tal-kumitat u l-awtur tar-rapport jgħidu li l-UE jeħtieġ li tibni r-reżiljenza.

L-indħil barrani: "It-tweġiba hija aktar demokrazija"

Iċ-ċittadini Ewropej jivvotaw għal 48 rakkomandazzjoni biex jgħinu jfasslu l-UE ta' għada. Madwar 200 parteċipant kienu f'Dublin għat-tielet u l-aħħar sessjoni tal-Panel taċ-Ċittadini Ewropej dwar ekonomija aktar b'saħħitha, il-ġustizzja soċjali u l-impjiegi, l-edukazzjoni, il-kultura u l-isports u t-trasformazzjoni diġitali. Ir-rappreżentanti se jressqu r-rakkomandazzjonijiet quddiem il-plenarja tal-Konferenza dwar il-Futur tal-Ewropa fil-Parlament Ewropew fi Strasburgu.

Ekonomija, impjiegi, diġitalizzazzjoni, żgħażagħ: Iċ-ċittadini jagħmlu rakkomandazzjonijiet f'Dublin

Il-Parlament wera l-appoġġ tiegħu għall-Ukrajna fil-konfront taż-żieda fit-truppi Russi. Iddibatta wkoll ir-rabta bejn il-fondi tal-UE u l-istat tad-dritt u appella għal investigazzjonijiet fl-użu tal-ispyware Pegasus fl-UE. Il-MPE appellaw ukoll għal kura transfruntiera tal-kanċer u l-aċċess għall-mediċini.

Punti ewlenin tas-sessjoni plenarja: Ir-Russja, l-istat tad-dritt u l-ispyware Pegasus

L-UE għandha wħud mill-ogħla standards ta' sikurezza tal-ġugarelli, iżda l-MPE huma mħassba li mhux il-ġugarelli kollha li jinbiegħu fl-UE jilħqu dan il-livell. B'aktar u aktar ġugarelli jinbiegħu online minn barra l-blokk, il-MPE jgħidu li jeħtieġ jiġu aġġornati r-regoli tal-2009.

Il-Parlament jappella għal regoli aktar stretti dwar is-sikurezza tal-ġugarelli

Fl-ewwel laqgħa plenarja tas-sena, il-MPE eleġġew lil Roberta Metsola bħala l-president il-ġdid tagħhom u ddiskutew il-prijoritajiet ta’ Franza għall-presidenza tal-UE mal-President Franċiż Emmanuel Macron. Il-Parlament ivvota wkoll dwar servizzi diġitali aktar sikuri u trasport tal-annimali.

Punti ewlenin tas-sessjoni plenarja: President ġdid tal-Parlament u pjattaformi online

Il-Parlament wasal biex jeleġġi president ġdid għall-ewwel seduta tal-plenarja tal-2022. Sadanittant, il-MPE se jiddiskutu l-prijoritajiet ta' Franza għall-presidenza b'rotazzjoni tal-UE mal-President Macron. Il-Parlament se jivvota dwar regolamenti aħjar biex jiżgura li l-annimali jiġu ttrasportati b'mod aktar uman. Dak kollu u iktar, dalwaqt minn Strasburgu.

Dalwaqt minn Strasburgu: Il-president tal-Parlament, il-Presidenza Franċiża tal-UE u t-trasport tal-annimali

Il-futur tal-Ewropa se jkun fil-qalba tal-aġenda tal-Parlament għall-2022, hekk kif iċ-ċittadini jispjegaw il-viżjonijiet tagħhom għall-UE ta' għada. Il-leġiżlazzjoni ewlenija dwar il-protezzjoni tal-ambjent u l-ilħiq tan-newtralità karbonika se tkun taħt skrutinju. Sadanittant, il-MPE se jeżaminaw qafas ġdid għas-servizzi diġitali u l-IA li jaħdem kemm għan-nies kif ukoll għan-negozji. Dan kollu u aktar fl-2022.

X'ser nistennew fl-2022?

Il-Parlament ta l-Premju Sakharov għal-Libertà tal-Ħsieb 2021 lill-figura tal-oppożizzjoni Russa li jinsab il-ħabs Alexei Navalny. Sadanittant, il-MPE vvutaw fuq modi biex tinkiseb l-ugwaljanza bejn il-ġeneri u ddiskutew it-tensjonijiet li qed jeskalaw fil-fruntiera bejn ir-Russja u l-Ukrajna.

Punti ewlenin tas-sessjoni plenarja: Navalny, l-ugwaljanza bejn il-ġeneri, l-Ukrajna u iktar

Fl-aħħar sessjoni plenarja tal-2021, il-Parlament ser jagħti lil Alexei Navalny il-Premju Sakharov għal-Libertà tal-Ħsieb 2021. Il-MPE ser jiddiskutu kif pjattaformi online kbar għandhom ikunu rregolati aktar u jivvotaw sabiex l-2022 tkun is-Sena Ewropea taż-Żgħażagħ. Dak kollu u aktar dalwaqt minn Strasburgu.

Dalwaqt minn Strasburgu: Il-Premju Sakharov, ġganti tal-internet u ż-żgħażagħ

Madwar 800 persuna minn madwar l-Ewropa kollha ltaqgħu għall-Panels taċ-Ċittadini Ewropej fi Strasburgu f'Settembru u Ottubru sabiex jiddiskutu l-isfidi li għandha quddiemha l-UE. Bħala parti integrali mill-Konferenza dwar il-Futur tal-Ewropa, is-suġġerimenti tagħhom ser jgħinu fil-bini tal-UE t'għada.

Nibnu l-futur: 4 tmiem il-ġimgħa ta' Panels taċ-Ċittadini tal-UE

Għal aktar minn erba' snin, l-Ewropej li jivvjaġġaw fl-UE setgħu jużaw "ir-roaming daqs li kieku kienu qegħdin f'pajjiżhom", u setgħu jagħmlu telefonati minn barra bla ebda spiża addizzjonali. Sew jekk qed iżżur pajjiżi oħra għax-xogħol jew għad-divertiment, li tagħmel telefonati, tibgħat messaġġi u tuża d-data barra mill-pajjiż jiswew l-istess bħal f'pajjiżek. Il-MPE jridu jestendu u jaġġornaw il-leġiżlazzjoni, sabiex tkun xierqa għad-deċennju li ġej.

Komunikazzjonijiet bil-mowbajl: inkomplu nużaw ir-roaming!

L-attakki ċibernetiċi qed jiżdiedu. Fl-aħjar ċirkostanzi, huma inkonvenjent. Fl-agħar ċirkostanzi, iqiegħdu ħajjet in-nies u l-għajxien tagħhom f'riskju. Il-Parlament qed isejjaħ għal strateġija komprensiva għaċ-ċibersigurtà biex iċ-ċittadini jkunu protetti mill-kriminali ċibernetiċi.

Strateġija robusta għaċ-ċibersigurtà fl-UE

Il-ġimgħa li ġejja, il-Parlament se jiddiskuti ż-żieda qawwija riċenti fil-prezzijiet tal-enerġija u se jistabbilixxi l-pożizzjoni tiegħu dwar ir-relazzjonijiet bejn l-UE u l-Istati Uniti tal-Amerka. Il-MPE se jiddiskutu kif se tiġi indirizzata l-vjolenza domestika wara separazzjoni u se jagħtu ħarsa lejn kif isaħħu s-setgħat tal-Aġenzija tal-Unjoni Ewropea għall-Ażil.

168 riżultati