Ón uair a sheol an Rúis a hionradh iomlán ar an Úcráin in 2022, sheas an tAontas Eorpach le muintir na hÚcráine, ag fáiltiú roimh dhídeanaithe, ag soláthar trealamh cosanta agus cúnamh airgeadais. Bhí tionchar uafásach ag an gcogadh ar shochaí na hÚcráine agus i gcás an-chuid Úcránach óg, chuir sé isteach go mór ar a gcuid oideachais. 

Le tacaíocht ó mhaoiniú an Aontais, tá Kamil, ollamh TF sa tSeicia, ag bunú ardán na hOllscoile Digití chun go mbeidh mic léinn ón Úcráin in ann leanúint ar aghaidh ag foghlaim ar líne.

Agus lean Olena lena hoideachas san Aontas mar mhac léinn Erasmus+ agus mar ambasadóir óg Eorpach in Gdańsk, an Pholainn.

Oideachas a áirithiú d’Úcránaigh le linn cogaidh: Cuir aithne ar Kamil agus Olena

Ón uair a sheol an Rúis a hionradh iomlán ar an Úcráin in 2022, sheas an tAontas Eorpach le muintir na hÚcráine, ag fáiltiú roimh dhídeanaithe, ag soláthar trealamh cosanta agus cúnamh airgeadais. Bhí tionchar uafásach ag an gcogadh thar shochaí na hÚcráine agus i gcás an-chuid Úcránach óg, chuir sé isteach go mór ar a gcuid oideachais. 
 
Le tacaíocht ó mhaoiniú an Aontais, tá Kamil, ollamh TF sa tSeicia, ag bunú ardán na hOllscoile Digití chun go mbeidh mic léinn ón Úcráin in ann leanúint ar aghaidh ag foghlaim ar líne.
Agus lean Olena lena hoideachas san Aontas mar mhac léinn Erasmus+ agus mar ambasadóir óg Eorpach in Gdańsk, an Pholainn.

Oideachas a áirithiú d’Úcránaigh le linn cogaidh: Cuir aithne ar Kamil agus Olena - 9:16

Sa bhliain 1995, dúirt Uachtarán na hÉireann Mary Robinson le Parlaimint na hEorpa go raibh an Eoraip ríthábhachtach chun síocháin bhuan a thógáil ar oileán na hÉireann. 

Dúirt an chéad bhean riamh a bhí mar uachtarán ar Phoblacht na hÉireann nach mór don Aontas Eorpach leanúint ar aghaidh ag úsáid a chumhachta chun cabhrú le deireadh a chur le coinbhleachtaí, caighdeáin mhaireachtála a ardú do na hEorpaigh go léir agus an bhochtaineacht ar fud an domhain a mhaolú. 

*Féach ar an aitheasc iomlán ar Lárionad Ilmheán Pharlaimint na hEorpa http://epyoutube.eu/mmc_mary_robinson

Aitheasc Mary Robinson ar athmhuintearas na hÉireann | Pharlaimint na hEorpa

D'iarr ceannaire na Libéire, Ellen Johnson Sirleaf, cabhair idirnáisiúnta chun cosc a chur ar fhilleadh ar fhoréigean tar éis 14 bliana de chogadh cathartha ina tír. Thug an chéad bhean a toghadh ina huachtarán ar náisiún san Afraic aitheasc do Pharlaimint na hEorpa i mí Mheán Fómhair 2006, díreach ocht mí tar éis di dul i mbun oifige. Dúirt sí go raibh muintir na Libéire meáite ar an gcoinbhleacht - ar tháinig deireadh léi in 2003 - a chur taobh thiar díobh. Labhair sí faoin léirscrios a d’fhág an cogadh, na dúshláin a bhaineann leis an atógáil agus an athmhuintearas, agus an gá atá le cúnamh idirnáisiúnta don fhorbairt inbhuanaithe. * Féach ar an óráid iomlán ar Lárionad Ilmheán Pharlaimint na hEorpa: http://epyoutube.eu/SpeechEllenJohnson

Óráid Ellen Johnson Sirleaf ar an Libéir | Parlaimint na hEorpa

Uachtarán na Seice Václav Havel ar an tslí ar mheas sé mar Eorpach ceithre bliana sula ndeachaigh a thír isteach san Aontas Eorpach. Bhí Václav Havel ina uachtarán deiridh ar an tSeicslóvaic agus ar an gcéad uachtarán a toghadh go daonlathach sa tír tar éis thitim an chumannachais, agus ar an gcéad uachtarán ar Phoblacht na Seice tar éis a bunaithe. Sa bhliain 2000, ceithre bliana sula ndeachaigh a thír isteach san Aontas Eorpach, thug sé aitheasc do Pharlaimint na hEorpa, ag labhairt faoi mhothú mar Eorpach agus aontacht na hEorpa. * Féach ar an óráid iomlán ar Lárionad Ilmheán Pharlaimint na hEorpa

Óráid le Václav Havel ar fhéiniúlacht Eorpach | Parlaimint na hEorpa

Dúirt an Pápa Eoin Pól II gur thacaigh an Vatacáin go láidir le tógáil leanúnach na hEorpa, próiseas síochána a thugann daoine le chéile agus a bheidh mar lóchrann don domhan. Labhair sé ar son na caoinfhulaingthe i measc daoine agus creideamh agus ar son chosaint an chomhshaoil. Labhair an Pápa ar thábhacht na Críostaíochta san Eoraip san am a chuaigh thart agus amach anseo. Thug an chéad Phápa le cuairt ar Pharlaimint na hEorpa aitheasc don suí iomlánach in Strasbourg i mí Dheireadh Fómhair 1988. * Féach ar an óráid iomlán ar Lárionad Ilmheán Pharlaimint na hEorpa: http://epyoutube.eu/SpeechPopeJohnPaulII

Óráid an Phápa Eoin Pól II ar thógáil na hEorpa ⎢Parlaimint na hEorpa

Cúig lá tar éis d’fhórsaí na Rúise ionradh a dhéanamh ar an Úcráin, labhair uachtarán na tíre Volodymyr Zelenzkyy le Parlaimint na hEorpa trí nasc físe ó Chív, cathair atá faoi léigear. In óráid dhúshlánach, mhol sé crógacht a chomh-Úcránach, cháin sé an marú gan chiall agus d’iarr ar Pharlaimint na hEorpa tacaíocht a thabhairt d’iarratas na hÚcráine dul isteach san Aontas Eorpach. * Féach ar an taifeadadh iomlán d’óráid an 1 Márta 2022 ar Lárionad Ilmheán Pharlaimint na hEorpa: http://epyoutube.eu/speechZelenskyy

Óráid Volodymyr Zelenskyy ar an gcogadh san Úcráin | Parlaimint na hEorpa

D'iarr ceannaire na hAfraice Theas Nelson Mandela deireadh tapa a chur leis an gcóras cinedheighilte agus mhol athmhuintearas. Iúil 1990 a bhí ann. Díreach ceithre mhí roimhe sin scaoileadh saor é, tar éis 27 bliain sa phríosún. Ag an am, bhí an Afraic Theas fós á rialú ag rialtas mionlaigh geal. Ceithre bliana i ndiaidh na hóráide seo, bheadh Mandela ar an gcéad uachtarán ar an Afraic Theas dhaonlathach. * Féach ar an óráid iomlán ar Lárionad Ilmheán Pharlaimint na hEorpa

rights of the individual

Físeáin

Meáin foilsithe don ceannteideal seo

217

Físeáin