Is fearr a éiríonn leis na réitigh ar phaindéim COVID-19 má cheaptar agus má ghlactar ar leibhéal Eorpach iad. Is í sin an tuairim a léiríodh i suirbhé Pharlaiméadar 2020, a reáchtáladh idir mí na Samhna agus mí na Nollag. Tá méadú ag teacht ar mhuinín an phobail san Aontas Eorpach, agus ar an mian go mbeadh ról cinnteoireachta níos mó ag an bParlaimint. Ach tá méadú ag teacht freisin ar an imní go bhfuil géarchéim eile ar an mbealach.