Fillfidh Feisirí ar Strasbourg – nó nascfaidh siad go cianda – don chéad seisiún iomlánach tar éis an tsamhraidh. Ar an gclár oibre: díospóireacht ar Staid an Aontais Eorpaigh, vóta ar ghéarchéim na hAfganastáine, ciste chun tionchar Brexit a mhaolú agus go leor eile.

Ag teacht aníos in Strasbourg: Staid an Aontais Eorpaigh, an Afganastáin agus freagairt níos fearr ar ghéarchéimeanna sláinte

Sa chéad leath de 2021 d’oibrigh Parlaimint na hEorpa chun deireadh a chur leis an bpaindéim agus an tAontas Eorpach a chur ar an mbealach chun téarnaimh. Ar an gclár oibre bhí Aontas Eorpach níos glaise agus níos cothroime, caidreamh oscailte agus cuiditheach leis an gcuid eile den domhan agus ag cosaint na nEorpach ar Covid 19. Breathnaímis siar ar a bhfuil bainte amach ag an bParlaimint ó thús 2021.

Ag breathnú siar: an chéad leath de 2021

Ar ais in Strasbourg arís, ghlac an Pharlaimint an Deimhniú Digiteach Covid chun gluaiseacht shábháilte san Aontas a éascú agus d’fhógair an tUachtarán buaiteoir Ghradam Lucht Féachana LUX. D'iarr Feisirí cosaint níos fearr ar an gcomhshaol agus ar ainmhithe agus thacaigh le maoiniú chun cabhrú le gnóthais téarnamh ó thionchar Brexit.

Príomhphointí an tseisiúin iomlánaigh: Deimhniú Covid, Brexit agus Gradam Lucht Féachana LUX

Tá Parlaimint na hEorpa ag iarraidh ar dhaoine páirt a ghlacadh sa Chomhdháil ar Thodhchaí na hEorpa. Nocht do chuid tuairimí agus déan díospóireacht ar na rudaí atá tábhachtach duit: aeráid, cearta an duine, imirce, geilleagar... níl aon rud toirmiscthe! Beidh Feisirí ag cabhrú leis an gComhdháil a stiúradh. Cuir aithne ar chomhchathaoirleach an bhoird feidhmiúcháin, Guy Verhofstadt.

Guy Verhofstadt - “Déanfaidh an Chomhdháil an Eoraip níos láidre”

Cheadaigh an Pharlaimint an Comhaontú Trádála agus Comhair leis an Ríocht Aontaithe le móramh suntasach agus phléigh deimhniú Covid-19 an Aontais freisin. Gheobhaidh an clár taighde, Fís Eorpach, agus an Sásra Aontais um Chosaint Shibhialta breise cistí, agus rinne feisirí iarracht rialacha cánach idirnáisiúnta a dhéanamh níos cothroime.

Príomhphointí an tseisiúin iomlánaigh: Comhaontú an Aontais Eorpaigh-na Ríochta Aontaithe, deimhnithe Covid-19 agus cánachas digiteach

Tá beart curtha i gcrích ag an AE agus an RA a bheidh mar bhunús le trádáil agus comhar tar éis imeacht na tíre ón Aontas. Ach cad a chiallaíonn sé seo go praiticiúil? Céard a chumhdaítear ann? Agus conas a théann sé i bhfeidhm ar Eorpaigh?

AE-RA: comhpháirtíocht nua

D’fhéach an Pharlaimint ar dháileadh vacsaín Covid-19 agus vótáil sí ar phacáiste airgeadais a chuimsíonn an buiséad fadtéarmach agus ciste téarnaimh chun tacú le geilleagair an AE ón bhliain seo chugainn ar aghaidh. Phléigh Feisirí an chomhpháirtíocht a bheidh sa todhchaí idir an RA agus an tAontas, agus ghlac siad rialacha nua freisin maidir le rochtain ar uisce óil sábháilte san AE. Bronnadh Duais Sakharov 2020 ar an bhfreasúra daonlathach sa Bhealarúis.

Príomhphointí an tseisiúin iomlánaigh: Idir an buiséad fadtéarmach agus Duais Sakharov agus Brexit

Tar éis don Choimisinéir Trádála Phil Hogan éirí as, tá Uachtarán an Choimisiúin Ursula von der Leyen tar éis a foireann a athdháileadh. Reáchtáil Feisirí dhá éisteacht urghnácha don phost Trádála agus don phost Airgeadais. Cheistigh grúpa coistí faoi stiúir an Choiste um Thrádáil Idirnáisiúnta Valdis Dombrovskis, atá ina Leas-Uachtarán Feidhmiúcháin ar an gCoimisiún faoi láthair, don phunann trádála. Beidh an cinneadh deiridh ag an bParlaimint maidir lena cheapachán.

Déanann an Pharlaimint grinnfhiosrú ar Valdis Dombrovskis don phost mar Choimisinéir Trádála

Le téarnamh Covid-19 mar shnáithe coiteann don chéad seimeastar eile, breithneoidh an Pharlaimint príomhreachtaíocht ar thalmhaíocht, iompar agus imirce. Is tosaíocht é an téarnamh eacnamaíoch a chinntiú agus poist agus an comhshaol a chosaint freisin. É seo agus níos mó, ag teacht aníos sna sé mhí amach romhainn i bParlaimint na hEorpa.

An chéad 6 mhí eile sa Pharlaimint: an bealach chun téarnaimh

Bhí dúshláin mhóra roimh an Eoraip le sé mhí anuas ach tá sí ag bhreathnú amach roimpi agus ag infheistiú i réitigh fhadtéarmacha. Chun dul i ngleic le toradh Covid-19, scaoil an tAE cistí nach bhfacthas a leithéidí roimhe chun tacú le daoine, poist agus taighde. Chun aghaidh a thabhairt ar an éigeandáil aeráide, lean an Pharlaimint lena troid ar son na polaitíochta níos glaise agus aidhmeanna níos uaillmhianaí.

2020 na Parlaiminte go dtí seo...

Pléifidh Feisirí an coróinvíreas agus an chéad bhuiséad eile de chuid an AE, éileoidh siad filleadh ar shaoirse gluaiseachta agus déarfaidh gur chóir an Chomhdháil um Thodhchaí na hEorpa a eagrú chomh luath agus is féidir. Iad uile sin agus rudaí eile le teacht aníos sa Bhruiséil.

Ag teacht aníos sa Bhruiséil: Todhchaí na hEorpa, téarnamh i ndiaidh Covid-19 agus saoirse gluaiseachta

Vótálfaidh Feisirí ar chomhaontú trádála AE-Vítneam a bheidh ann amach anseo. Féachann an Pharlaimint freisin ar na cainteanna ar chaidreamh amach anseo idir an tAE agus an RA, conas tomhaltóirí a chosaint le méadú na hIntleachta Saorga, athruithe beartaithe ar rialacha aontachais an AE agus an straitéis um chomhionannas inscne.

Ag teacht aníos in Strasbourg: comhaontú AE-Vítneam, Brexit, IS agus tuilleadh

Tá an RA tar éis imeacht as an AE tar éis breis agus 40 bliain de bhallraíocht agus tá sí anois ag dul isteach san idirthréimhse mar a thugtar air. Ach cad is brí leis an idirthréimhse? Cén tionchar a bheidh aici ar an bParlaimint? Agus cad a tharlóidh anois?

Brexit – Céard atá romhainn anois?

Mheas an Pharlaimint an obair a rinne an Coimisiún Eorpach faoi cheannaireacht Jean-Claude Juncker. Smaoinigh an Pharlaimint freisin ar a freagairt ar Brexit agus bhronn Duais Sakharov 2019 ar son Saoirse Smaointeoireachta. Phléigh Feisirí ionradh míleata na Tuirce sa tSiria agus ghlac lena seasamh ar an mbuiséad 2020.

Príomhphointí an tseisiúin iomlánaigh: Coimisiún Junker, Brexit agus Duais Sakharov

Fógrófar in Strasburg buaiteoir Dhuais Sakharov um Shaoirse Smaointeoireachta na bliana seo. Beidh Uachtarán an Choimisiúin atá ag dul as oifig, Jean-Claude Juncker, os comhair na Parlaiminte don uair dheireanach. Pléifidh Feisirí na forbairtí is déanaí le Brexit, vótálfaidh ar an gcéad bhuiséad eile de chuid an AE, agus pléifidh an cás i dTuaisceart na Siria.

Ag teacht aníos in Strasbourg: Duais Sakharov, slán á fhágáil ag Juncker, Brexit, an buiséad agus an Tuirc-an tSiria

Tagann Feisirí le chéile le haghaidh seachtain ghnóthach sa Bhruiséil. Ar an gclár oibre, an dara seachtain d'éisteachtaí le hiarrthóirí don gCoimisiún, plé ar bhuiséad fadtéarmach an AE leis an gCoimisiún agus leis an gComhairle, daonlathais Eorpacha a chosaint agus mórán eile.

Ag teacht aníos sa Bhruiséil: Éisteachtaí coimisinéirí ainmnithe, buiséad fadtéarmach, craobhiomaitheoirí Dhuais Sakharov

Sa seisiún iomlánach, thacaigh an Pharlaimint le Christine Lagarde mar cheannaire nua BCE, cheadaigh maoiniú le haghaidh taighde agus Erasmus+ agus chomhaontaigh cabhair do thrí thír AE atá buailte ag tuilte. Phléigh Feisirí freisin an cás maidir le Brexit, agus phléigh scriosadh na bhforaoisí ar fud an domhain.

Idir cheannaire nua BCE agus an scéal is deireanaí faoi Brexit: 5 uimhir ó Strasbourg

Agus an Pharlaimint ag filleadh ar Strasbourg tar éis shos an tsamhraidh, pléifidh Feisirí an cás maidir le Brexit agus vótálfaidh ar an ainmnitheach mar uachtarán ar BCE. Ar an gclár oibre freisin tá soláthar cúnaimh do bhallstáit tríd an gCiste Dlúthpháirtíochta, buiséad na bliana seo chugainn agus tinte san Amasóin.

44 torthaí