Tugann géarchéim na ndídeanaithe chun solais tuairimí éagsúla na mBallstát maidir leis an imirce. Tá an tAontas Eorpach ag obair chun dídeanaithe a dháileadh go cothrom san Eoraip. Tá an imirce tábhachtach i dtaca le todhchaí eacnamaíoch an AE. Cuir ceist ar Montserrat, imirceach as Meicsiceo, a tháinig as Meicsiceo ag obair sa nGearmáin trí scéim Chárta Gorm an AE.

Comhspriocanna: Imirice

Cad a chiallaíonn foinse fuinnimh duit? Níos tábhachtaí fós b'fhéidir, cad a chiallaíonn sé do do pháistí? Tá an Eoraip cráite ag an aerthruailliú agus praghsanna breosla corracha - is gá beart a dhéanamh. Tá an tAontas Eorpach i mbun oibre le hathrú a dhéanamh. Is eiseamláir iad comharchumainn ar nós Ecopower d'athrú an AE ó bhreosla iontaise agus núicléach go fuinneamh in-athnuaite. Cabhraíonn siad linn cloí le gealltanas an AE gáis cheaptha teasa a laghdú agus Aontas Fuinnimh comhordaithe a chruthú.

Comhspriocanna: An tAontas Fuinnimh

Tá óg-dífhostaíocht ar na dúshláin is mó i roinnt tíortha an AE Cuir i gcás , an Phortaingéil. Déanann Sérgio Oliveira bainistíocht ar scéim fostaíochta sa Phortaingéil a chuidíonn le daoine óga obair a fháil. Tá an tAE ag tacú le tionscadail mar an ceann seo, chomh maith le Colún Eorpach um Chearta Sóisialta a thabhairt isteach leis na ceisteanna sin a chomhtháthú ina bhunluachanna. Le tuilleadh maoinithe chuig scéimeanna sóisialta, amhail scéim Sergio, beidh an tAE in ann saol tuilleadh saoránach a fheabhsú.

Comhspriocanna: An ghné shóisialta

Oibríonn tú i bpost meánioncaim, i do chónaí in árasán beag le daoine eile agus faigheann dhá bhus le dul ar obair. An aithníonn tú an scéal sin? Soláthraí Francach tithíochta sóisialta is ea Grúpa SCN, a thógann aonaid chíosa inacmhainne in áiteanna a bhfuil easpa tithíochta ann. Tá an Ciste Eorpach le haghaidh Infheistíochtaí Straitéiseacha ag infheistiú€21 billiún i dtionscadail amhail Grúpa SCN, le poist a chruthú agus fás a spreagadh san Eoraip.

Comhspriocanna: Poist, fás agus infheistíocht

Ar cuireadh cosc ort riamh rud a cheannach ar líne mar gheall ar do shuíomh? Cuireann geobhlocáil teorainn le díolacháin chuig custaiméirí i dtíortha áirithe - rud a chuirfeadh isteach ort dá mbeadh dúil agat i scairf ó thír eile ar líne. Mar gheall ar rath an mhargaidh aonair, tá Margadh Aonair Digiteach á chruthú ag an Aontas Eorpach, a chealóidh geobhlocáil agus a fheabhsóidh gníomhaíocht ar líne ar fud na hEorpa do gach saoránach.

113 torthaí