Meeting on the subject of: Technology at the service of citizens : perspectives and limits.

President BUZEK chats on facebook

Tá an Chomhdháil ar Thodhchaí na hEorpa ag teacht chun críche. Thug cruinniú iomlánach na Comhdhála ionadaithe painéil le chéile le comhaltaí ó pharlaimintí Eorpacha agus náisiúnta, institiúidí an Aontais Eorpaigh, grúpaí sochaí sibhialta, comhpháirtithe sóisialta agus ionadaithe ó údaráis áitiúla agus réigiúnacha. Chuir siad an dlaoi mhullaigh ar thograí na saoránach maidir le luachanna Eorpacha agus an daonlathas, imirce agus áit an Aontais Eorpaigh sa domhan. Pléadh freisin ag an seisiún iomlánach tograí maidir le sláinte, athrú aeráide, an geilleagar, cultúr agus claochlú digiteach.

Cuirtear an dlaoi mhullaigh ar thograí na saoránach maidir le hAontas Eorpach níos fearr ag cruinniú iomlánach na Comhdhála

Tá Parlaimint na hEorpa réidh chun comhaontú ar an Rialachán maidir le Rialachas Sonraí Eorpach a fhormhuiniú go foirmiúil. Tá sé mar aidhm ag an reachtaíocht acmhainn na mórshonraí agus na hintleachta saorga do shaoránaigh agus gnólachtaí na hEorpa a chur chun cinn. Teastaíonn ó Fheisirí an iontaoibh as comhroinnt sonraí a éascú agus a mhéadú ar fud an Aontais Eorpaigh. D’éiligh siad rialacha diana maidir le príobháideacht agus dea-chleachtas, agus iad ag féachaint le nuálaíocht agus éifeachtúlacht a chothú. Ach cad é go díreach 'mórshonraí' agus conas is féidir iad a úsáid?

Leas a bhaint as mórshonraí chun seirbhísí an lae amárach a sholáthar

B’fhearr le 77% de mhuintir an Aontais Eorpaigh a gcuid earraí tí briste a dheisiú ná a athsholáthar. Tá an Pharlaimint ag brú ar son “ceart chun deisiúcháin” san Aontas Eorpach, rud a spreagfadh monaróirí chun é a dhéanamh níos éasca do thomhaltóirí fearais a dheisiú seachas cinn nua a cheannach.

Ceart chun deisiúcháin: saol nua d’earraí tomhaltóra

Tá malartuithe ar líne agus digiteacha i réim inár saol. Bíodh siad le haghaidh gnó nó pléisiúir, ag ceannach nó ag díol, ár gcoinneáil féin suas chun dáta nó go díreach ag cumarsáid, tá margaí agus seirbhísí digiteacha tar éis dul i bhfeidhm i ngach gné dár saol. Ach cé atá ag coinneáil súil ar na hardáin agus na cuideachtaí atá taobh thiar de seo ar fad? An bhfuil ár sonraí pearsanta sábháilte? Conas is féidir rialáil níos fearr a fhorfheidhmiú? Níl anseo ach cuid de na ceisteanna a dtabharfar freagra orthu in dhá phríomh-mhír reachtaíochta: Ionstraim na Margaí Digiteacha agus an Ionstraim um Sheirbhísí Digiteacha.

An timpeallacht dhigiteach: ‘Tá smacht á thógáil ar ais againn’

Tionóladh Seisiún Iomlánach na Comhdhála ar Thodhchaí na hEorpa chun tógáil ar mholtaí sonracha a rinne Painéil na Saoránach maidir leis an Aontas Eorpach a fheabhsú agus a athchóiriú. Tháinig comhghleacaithe ó chomhthionóil náisiúnta agus ionadaithe ó institiúidí an Aontais Eorpaigh, ón tsochaí shibhialta agus ó chomhpháirtithe sóisialta i gceann a chéile le comhaltaí Pharlaimint na hEorpa. D’oibrigh siad le hionadaithe ó Phainéil na Saoránach chun dul ar aghaidh le tograí maidir leis an ngeilleagar, claochlú digiteach, sláinte agus oideachas. Ag an seisiún iomlánach pléadh freisin luachanna an Aontais Eorpaigh agus an daonlathas, áit an bhloic sa domhan agus an t-athrú aeráide.

Cuireann an seisiún iomlánach smaointe na saoránach chun tosaigh maidir leis an Aontas Eorpach an lae amárach

Ní mór don Aontas Eorpach a bheith níos diongbháilte chun stop a chur le hionsaithe contúirteacha eachtracha ar an daonlathas, ba é sin príomhchonclúid choiste speisialta na Parlaiminte um thrasnaíocht eachtrach i bpróisis dhaonlathacha. Agus le hionradh na Rúise ar an Úcráin, tá sé níos tábhachtaí anois ná riamh beart a dhéanamh. Mífhaisnéis, gabháil scothaicme, cibirionsaithe – deir cathaoirleach agus údar tuairisce an choiste gur gá don Aontas Eorpach athléimneacht a chothú.

Trasnaíocht eachtrach: 'Is é tuilleadh daonlathais an freagra'

Tá saoránaigh Eorpacha tar éis vótáil ar son 48 moladh chun cabhrú le cruth a chur ar Aontas Eorpach an lae amárach. Bhí thart ar 200 rannpháirtí i mBaile Átha Cliath don tríú seisiún agus an seisiún deiridh de Phainéal na Saoránach Eorpach ar gheilleagar níos láidre, ceartas sóisialta &amp; poist, oideachas, cultúr &amp; spórt agus claochlú digiteach. Cuirfidh ionadaithe na moltaí ar aghaidh chuig cruinniú iomlánach na Comhdhála ar Thodhchaí na hEorpa ag Parlaimint na hEorpa in Strasbourg.

Geilleagar, poist, digitiú, an óige: Déanann saoránaigh moltaí i mBaile Átha Cliath

Chuir an Pharlaimint a tacaíocht in iúl don Úcráin in aghaidh thiomargadh trúpaí na Rúise. Phléigh sí freisin an nasc idir cistí AE agus an smacht reachta agus d'iarr fiosrúcháin maidir le húsáid earraí spiaireachta Pegasus san Aontas. D'éiligh Feisirí freisin cúram sláinte trasteorann agus rochtain ar leigheasanna a fheabhsú.

Príomhphointí an tseisiúin iomlánaigh: smacht reachta agus earraí spiaireachta Pegasus

Tá cuid de na caighdeáin sábháilteachta bréagán is airde ar domhan ag an Aontas Eorpach, ach tá imní ar na Feisirí nach bhfuil gach bréagán a dhíoltar san Aontas Eorpach sách maith. Agus níos mó agus níos mó bréagán á gceannach ar líne ó lasmuigh den bhloc, deir na Feisirí Eorpacha gur gá rialacha 2009 a nuashonrú.

Tá rialacha sábháilteachta bréagán níos déine á lorg ag an bParlaimint

Sa chéad chruinniú iomlánach den bhliain, thogh na Feisirí Roberta Metsola mar uachtarán nua orthu agus phléigh tosaíochtaí na Fraince d’uachtaránacht ar an Aontas Eorpach le hUachtarán na Fraince, Emmanuel Macron. Vótáil an Pharlaimint freisin ar sheirbhísí digiteacha níos sábháilte agus ar iompar ainmhithe.

Príomhphointí an tseisiúin iomlánaigh: uachtarán nua na Parlaiminte agus ardáin ar líne

Tá an Pharlaimint le huachtarán nua a thoghadh ag an gcéad suí iomlánach in 2022. Idir an dá linn, pléifidh Feisirí Eorpacha tosaíochtaí na Fraince maidir le huachtaránacht rothlach an Aontais Eorpaigh leis an Uachtarán Macron. Tá an Pharlaimint le vótáil ar rialáil níos fearr chun a áirithiú go n-iompraítear ainmhithe ar bhealach níos daonnachtúla. Iad sin go léir agus tuilleadh, ag teacht aníos in Strasbourg.

Ag teacht aníos in Strasbourg: Uachtarán na Parlaiminte, Uachtaránacht na Fraince ar an Aontas Eorpach agus iompar ainmhithe

Beidh todhchaí na hEorpa i gcroílár chlár oibre na Parlaiminte don bhliain 2022, de réir mar a thabharfaidh saoránaigh breac-chuntas ar a bhfíseanna don Aontas Eorpach an lae amárach. Déanfar grinnscrúdú ar phríomhreachtaíocht maidir leis an gcomhshaol a chosaint agus neodracht charbóin a bhaint amach. Idir an dá linn, scrúdóidh Feisirí creat nua do sheirbhísí digiteacha agus IS a oibríonn do dhaoine agus do ghnólachtaí araon. É sin go léir agus tuilleadh ag teacht aníos in 2022.

Cad atá romhainn in 2022?

Bhronn an Pharlaimint Duais Sakharov 2021 um Shaoirse Smaointeoireachta ar an bpearsa freasúra Rúiseach Alexei Navalny. Idir an dá linn, vótáil Feisirí ar bhealaí chun comhionannas inscne a bhaint amach agus phléigh teannas méadaitheach ar theorainn na Rúise-na hÚcráine.

Príomhphointí an tseisiúin iomlánaigh: Navalny, comhionannas inscne, an Úcráin agus tuilleadh

Ag an suí iomlánach deiridh de 2021, bronnfaidh an Pharlaimint Duais Sakharov 2021 um Shaoirse Smaointeoireachta ar Alexei Navalny. Pléifidh Feisirí an chaoi ar cheart ardáin mhóra ar líne a rialáil níos doichte agus vótálfaidh siad ar 2022 a dhéanamh mar Bhliain Eorpach na hÓige. É sin ar fad agus níos mó ag teacht suas i Strasbourg.

Ag teacht aníos in Strasbourg: Duais Sakharov, mórchomhlachtaí idirlín agus an óige

Tháinig timpeall 800 duine as gach cearn den Eoraip le chéile do Phainéil de chuid Saoránach Eorpach in Strasbourg i mí Mheán Fómhair agus i mí Dheireadh Fómhair chun na dúshláin atá roimh an Aontas Eorpach a phlé. Mar chuid dhílis den Chomhdháil ar Thodhchaí na hEorpa, cuideoidh a gcuid moltaí leis an Aontas Eorpach an lae amárach a thógáil.

Ag tógáil na todhchaí: 4 dheireadh seachtaine de Phainéil de chuid Saoránach Eorpach

Le breis agus ceithre bliana, bhí Eorpaigh a bhí ag taisteal san Aontas Eorpach ábalta a bheith ag “fánaíocht ar tháillí baile”, ag déanamh glaonna ó thar lear gan aon chostas breise. Cibé an raibh tú ar cuairt ar thíortha eile ar mhaithe le hobair nó pléisiúr, chun glaonna a dhéanamh, teachtaireachtaí téacs a sheoladh agus sonraí a úsáid thar lear bhí an costas mar an gcéanna le do thír féin. Tá Feisirí ag iarraidh an reachtaíocht a leathnú agus a nuashonrú, ionas go mbeidh sí oiriúnach do na deich mbliana amach romhainn.

Cumarsáid mhóibíleach: coinnigh ort ag fánaíocht!

Tá cibirionsaithe ag dul i méid. Ar an gceann is fearr de is crá croí iad. Ag an gceann is measa de cuireann siad beatha agus slite beatha daoine i mbaol. Tá an Pharlaimint ag éileamh go mbeidh straitéis chuimsitheach chibearshlándála ann chun saoránaigh a chosaint ar chibearchoirpigh.

Straitéis láidir chibearshlándála an Aontais Eorpaigh

An tseachtain seo chugainn, pléifidh an Pharlaimint an borradh ar phraghsanna fuinnimh le déanaí agus leagfaidh amach a seasamh maidir le caidreamh an Aontais-Mheiriceá. Pléifidh Feisirí conas dul i ngleic le foréigean teaghlaigh tar éis scaradh agus féachfaidh le cumhachtaí Ghníomhaireacht an Aontais Eorpaigh um Thearmainn a fheabhsú.

168 torthaí