Thug Uachtarán an Choimisiúin Eorpaigh Ursula von der Leyen a céad aitheasc faoi Staid an Aontais Eorpaigh, ag féachaint ar a bhfuil bainte amach agus tosaíochtaí don todhchaí. Phléigh an Pharlaimint an plean téarnaimh eacnamaíoch freisin agus freagra an Aontais ar ghéarchéim COVID-19 a chomhordú. Phléigh feisirí an ghéarchéim dhaonnúil in Lesbos agus an staid pholaitiúil sa Bhealarúis.

Príomhphointí an tseisiúin iomlánaigh: Staid an Aontais Eorpaigh, plean téarnaimh agus beartas eachtrach

Tar éis bliana mar cheann ar an gCoimisiún Eorpach, tá an t-uachtarán von der Leyen tar éis tosú ar na tionscnaimh nua ina clár a chur i bhfeidhm. Déanfaidh Feisirí Parlaiminte grinnscrúdú ar an dá mhí dhéag seo caite agus déanfaidh anailís ar an gcuma a bheidh ar thodhchaí an AE - ar an gclár oibre tá téarnamh COVID-19, maoiniú na seacht mbliana amach romhainn, cosaint na haeráide agus athshuíomh an AE ar léarscáil den domhan.

Fógra: Díospóireacht faoi Staid an Aontais Eorpaigh 2020

Ó thús na paindéime coróinvíris, bhí an AE chun tosaigh sna bearta comhordaithe, ag dul i ngleic leis an ngéarchéim sláinte agus lena éifeacht eacnamaíoch araon. Seo 10 rud atá ar bun ag an AE leis an Eoraip a chur ar a bonn athuair.

Covid-19: 10 rud atá an AE ag déanamh le tacú leis an téarnamh

Bhí dúshláin mhóra roimh an Eoraip le sé mhí anuas ach tá sí ag bhreathnú amach roimpi agus ag infheistiú i réitigh fhadtéarmacha. Chun dul i ngleic le toradh Covid-19, scaoil an tAE cistí nach bhfacthas a leithéidí roimhe chun tacú le daoine, poist agus taighde. Chun aghaidh a thabhairt ar an éigeandáil aeráide, lean an Pharlaimint lena troid ar son na polaitíochta níos glaise agus aidhmeanna níos uaillmhianaí.

2020 na Parlaiminte go dtí seo...

Pléifidh Feisirí an coróinvíreas agus an chéad bhuiséad eile de chuid an AE, éileoidh siad filleadh ar shaoirse gluaiseachta agus déarfaidh gur chóir an Chomhdháil um Thodhchaí na hEorpa a eagrú chomh luath agus is féidir. Iad uile sin agus rudaí eile le teacht aníos sa Bhruiséil.

Ag teacht aníos sa Bhruiséil: Todhchaí na hEorpa, téarnamh i ndiaidh Covid-19 agus saoirse gluaiseachta

Tá a seasamh leagtha amach ag an bParlaimint maidir le plean uaillmhianach téarnaimh coróinvíris chun geilleagar an AE a atosú. Tá Feisirí ag éileamh go mbeidh saoránaigh, an comhshaol agus an digitiú mar dhlúthchuid den chéad bhuiséad fadtéarmach eile agus den téarnamh eacnamaíoch.

EUR 2 thrilliún chun an geilleagar a atógáil tar éis Covid-19

Tá ról lárnach ag an Aontas Eorpach fós sa fhreagairt ar an bpaindéim coróinvíris. Cé gurb í an tosaíocht ghearrthéarmach troid i gcoinne scaipeadh an víris agus tacú le ballstáit, is í an aidhm fhadtéarmach tionchar socheacnamaíoch na géarchéime a mhaolú. Seo 10 gcéim a ghlac an tAE, in éineacht leis an bParlaimint, chun Covid-19 a throid.

10 rud atá á ndéanamh ag an AE chun coróinvíris a throid

Tá an tAE ag seasamh an fhóid. Tá sé ag tacú le taighde ar vacsaín coróinvíris agus ar bhealaí chun an phaindéim a mhoilliú agus diagnóisic níos fearr a fhorbairt. Sin é an fáth a bhfuil maoiniú uaillmhianach á leithdháileadh ag an AE ar thaighde agus chun ullmhacht éigeandála sláinte a fhorbairt tuilleadh.

Maoiniú AE do thaighde COVID-19

Tháinig an t-úinéir bialainne, Lealdina Fernandes, 73, slán as falscaí uafásach a scrios lár na Portaingéile in 2017. Loiteadh go dona saothar a saoil, a caifé-bhialann. Tá sí á atógáil anois a bhuí le cistí éigeandála AE a úsáidtear chun cabhrú le pobail agus leis an ngeilleagar áitiúil téarnamh i ndiaidh na tine.

Aiséirí ón luaithreach

Chuidigh cistí AE le Miodrag Rusimovici agus lena mhac feirm an teaghlaigh faoin tuath sa Rómáin a nuachóiriú. Leis na cistí sin, thóg siad tithe gloine agus chuir siad córas uisciúcháin isteach, rud a d'fhág a dtáirgeadh glasraí inmharthana i gcaitheamh na bliana.

An teaghlach a choinneáil le chéile ar an bhfeirm

Tá Ann-Marie Larsson, 85, ina cónaí i gceantar iargúlta i dTuaisceart na Sualainne.
Níl aon dochtúirí ann, ach is féidir léi nascadh leo a bhuí le hionad cúraim fíorúil. Shábháil na seiceálacha fíorúla seo ar an mbás í tar éis di a fháil amach go raibh ailse uirthi.

Sábhálann rochtain ar chúram sláinte beatha daoine

Tá gníomhaíochtaí á mbeartú ag Parlaimint na hEorpa chun an difreálach pá idir na hinscní a dhúnadh, le haghaidh sochaí níos saibhre agus níos cothroime.

An difreálach pá idir na hinscní á dhúnadh

Chaith Pascal, ón bhFrainc, bliain in Éirinn sna 1980idí mar chuid de na chéad mhalairtí mac léinn Erasmus riamh. Mhúnlaigh an deis seo a shaol: fuair sé taithí ar thír agus ar chultúr eile, chuir sé lena chuid staidéir, agus bhuail sé leis an mbean a phósfadh sé ina dhiaidh sin!

An chéad lánúin Erasmus

Beidh buiséad nua fadtéarmach an AE i bhfeidhm ag tús 2021. Cuireann an buiséad ar chumas an AE infheistíocht a dhéanamh ina shaoránaigh agus sa todhchaí. Ach cé a shocraíonn méid an bhuiséid? Céard air a gcaitheann an tAE a bhuiséad agus conas a mhaoinítear buiséad an AE?

Cad é buiséad fadtéarmach an AE agus conas a théann sé i gcion orm?

Bhí tionchar an domhandaithe agus na hiomaíochta ó thar lear ag dul i gcion ar cheardlann jíons an teaghlaigh Tuffery. A bhuí le cistí Eorpacha, sábháladh an gnó teaghlaigh agus tá sé faoi bhláth anois agus é fós fréamhaithe ina Cévennes dúchais, i ndeisceart na Fraince.

Ó mheath go rath: conas a sábháladh gnó teaghlaigh

I ndíospóireacht ríthábhachtach in Strasbourg roimh chruinniú mullaigh Eorpach speisialta maidir leis an gcéad bhuiséad fadtéarmach eile don AE do 2021-2027, chuir na Feisirí Eorpacha in iúl nach dtabharfaidh an Pharlaimint a toiliú ach le buiséad a fhéadfaidh uaillmhianta an Aontais Eorpaigh a chomhlíonadh.

Buiséad fadtéarmach an AE: todhchaí na hEorpa á plé

Phléigh an Pharlaimint buiséad fadtéarmach an AE, cheadaigh margadh trádála le Vítneam agus phléigh beartais eacnamaíocha sa Limistéar Euro amach anseo le ceannaire nua BCE Christine Lagarde. Chomh maith leis sin, d'éiligh na Feisirí níos mó gníomhaíochta chun dul i ngleic le ciorrú ball giniúna ban agus le gáinneáil aindleathach ar pheataí.

Príomhphointí an tseisiúin iomlánaigh: Buiséad fadtéarmach an AE, trádáil le Vítneam agus FGM

Bronnadh Duais Sakharov 2019 um Shaoirse Smaointeoireachta ar Ilham Tohti, thogh an Pharlaimint Ombudsman nua AE agus vótáil Feisirí Eorpacha chun fuathchaint i gcoinne an phobail LADTI a cháineadh. Vótáil an Pharlaimint freisin ar bhearta chun pailneoirí na hEorpa a shábháil, agus d'iarr soiléiriú ar rialacha maidir le cánachas digiteach.

113 torthaí