Tá an tAontas tiomanta d’fheabhas leanúnach a chur ar dheiseanna foghlama agus aghaidh a thabhairt ar dhúshláin oideachais. Sa chomhthéacs sin, is é is aidhm do thionscnamh an Limistéir Eorpaigh Oideachais (LEO) córas oideachais níos idirnasctha a chruthú. I measc phríomhspriocanna LEO tá feabhas a chur ar chomhar agus ar shoghluaisteacht san oideachas agus córais oideachais ionchuimsitheacha a thógáil. Ceann de na rudaí is mó a bhfuil béim á cur orthu ná deireadh a chur le bacainní ar shoghluaisteacht foghlama do mhic léinn agus d’oideoirí.

An tOideachas a chur chun cinn: ag fiosrú thionscnaimh soghluaisteachta foghlama an Aontais

B’fhearr le 77% de mhuintir an Aontais Eorpaigh a gcuid earraí tí briste a dheisiú ná a athsholáthar. Tá an Pharlaimint ag brú ar son “ceart chun deisiúcháin” san Aontas Eorpach, rud a spreagfadh monaróirí chun é a dhéanamh níos éasca do thomhaltóirí fearais a dheisiú seachas cinn nua a cheannach.

Ceart chun deisiúcháin: saol nua d’earraí tomhaltóra

Pléifidh an Pharlaimint an cás práinne san Úcráin, breis is mí tar éis don Rúis a hionradh mídhleathach, gan chúis a sheoladh. Vótálfaidh Feisirí ar nuashonrú ar an rialachán maidir le líonraí fuinnimh tras-Eorpacha, a réiteoidh an bealach i dtreo bonneagar fuinnimh ghlais nua-aimseartha, neamhspleách. Ar an gclár freisin tá cearta na mban agus na gcailíní san Afganastáin, earraí tomhaltóra 'ceart chun deisiúcháin' agus úsáid 'mórshonraí' a rialú. Iad sin go léir agus tuilleadh, ag teacht aníos in Strasbourg.

Ag teacht aníos in Strasbourg: an Úcráin, fuinneamh, mná san Afganastáin

Tionóladh Seisiún Iomlánach na Comhdhála ar Thodhchaí na hEorpa chun tógáil ar mholtaí sonracha a rinne Painéil na Saoránach maidir leis an Aontas Eorpach a fheabhsú agus a athchóiriú. Tháinig comhghleacaithe ó chomhthionóil náisiúnta agus ionadaithe ó institiúidí an Aontais Eorpaigh, ón tsochaí shibhialta agus ó chomhpháirtithe sóisialta i gceann a chéile le comhaltaí Pharlaimint na hEorpa. D’oibrigh siad le hionadaithe ó Phainéil na Saoránach chun dul ar aghaidh le tograí maidir leis an ngeilleagar, claochlú digiteach, sláinte agus oideachas. Ag an seisiún iomlánach pléadh freisin luachanna an Aontais Eorpaigh agus an daonlathas, áit an bhloic sa domhan agus an t-athrú aeráide.

Cuireann an seisiún iomlánach smaointe na saoránach chun tosaigh maidir leis an Aontas Eorpach an lae amárach

D’fhill an Chomhdháil ar Thodhchaí na hEorpa ar Pharlaimint na hEorpa in Strasbourg an deireadh seachtaine seo. Chosain ionadaithe ó Phainéil Shaoránaigh Eorpacha agus náisiúnta a gcuid moltaí maidir le feabhas a chur ar an Aontas Eorpach - agus phléigh siad iad le reachtóirí Eorpacha agus náisiúnta. Chuala seisiún iomlánach na Comhdhála faoin gcogadh ina dtír dhúchais, agus iad ag plé ról an Aontais Eorpaigh sa domhan. Bhí an geilleagar, an imirce, poist agus an claochlú digiteach ar an gclár freisin - mar aon le hoideachas, cultúr, an óige agus spórt.

An tAontas Eorpach sa domhain agus an geilleagar: Cosnaíonn saoránaigh a gcuid smaointe

Ní mór don Aontas Eorpach a bheith níos diongbháilte chun stop a chur le hionsaithe contúirteacha eachtracha ar an daonlathas, ba é sin príomhchonclúid choiste speisialta na Parlaiminte um thrasnaíocht eachtrach i bpróisis dhaonlathacha. Agus le hionradh na Rúise ar an Úcráin, tá sé níos tábhachtaí anois ná riamh beart a dhéanamh. Mífhaisnéis, gabháil scothaicme, cibirionsaithe – deir cathaoirleach agus údar tuairisce an choiste gur gá don Aontas Eorpach athléimneacht a chothú.

Trasnaíocht eachtrach: 'Is é tuilleadh daonlathais an freagra'

Is é an 8 Márta Lá Idirnáisiúnta na mBan. Le blianta fada anuas, tá Parlaimint na hEorpa ag troid ar son an chomhionannais inscne. Mar sin féin is iad mná atá ag déanamh an chuid is mó den obair chúraim neamhfheicthe go fóill. Déanaimis soiléir é!

Lá Idirnáisiúnta na mBan 2022

Tá saoránaigh Eorpacha tar éis vótáil ar son 48 moladh chun cabhrú le cruth a chur ar Aontas Eorpach an lae amárach. Bhí thart ar 200 rannpháirtí i mBaile Átha Cliath don tríú seisiún agus an seisiún deiridh de Phainéal na Saoránach Eorpach ar gheilleagar níos láidre, ceartas sóisialta &amp; poist, oideachas, cultúr &amp; spórt agus claochlú digiteach. Cuirfidh ionadaithe na moltaí ar aghaidh chuig cruinniú iomlánach na Comhdhála ar Thodhchaí na hEorpa ag Parlaimint na hEorpa in Strasbourg.

Geilleagar, poist, digitiú, an óige: Déanann saoránaigh moltaí i mBaile Átha Cliath

77 bliain tar éis shaoradh shluachampa Auschwitz-Birkenau, rinne Parlaimint na hEorpa comóradh ar an Uileloscadh i láthair an mharthanóra, Margot Friedländer. Labhair an scríbhneoir Gearmánach leis na Feisirí, gur chuir síos ar a deoraíocht ó Bheirlín go sluachampa géibhinn Theresienstadt agus ar an méid a d'fhulaing na milliún íospartach mar gheall ar ainghníomhartha Naitsíocha.

Déanann Parlaimint na hEorpa íospartaigh an Uileloiscthe a chomóradh

Is í 2022 Bliain Eorpach na nÓg. D'aithin an Eoraip le fada gurb ionann infheistiú i ndaoine óga, faoi mar a thuigfeá, agus infheistiú sa todhchaí. Thar na blianta, labhair Parlaimint na hEorpa amach go láidir ar mhaithe le beartas, cláir agus tionscadail a chuidíonn le hEorpaigh óga. Chaitimid súil siar ar an gcaoi ar fhás beartas Eorpach um an óige níos láidre thar na blianta.

Amlíne: an Eoraip agus daoine óga

Ag an suí iomlánach deiridh de 2021, bronnfaidh an Pharlaimint Duais Sakharov 2021 um Shaoirse Smaointeoireachta ar Alexei Navalny. Pléifidh Feisirí an chaoi ar cheart ardáin mhóra ar líne a rialáil níos doichte agus vótálfaidh siad ar 2022 a dhéanamh mar Bhliain Eorpach na hÓige. É sin ar fad agus níos mó ag teacht suas i Strasbourg.

Ag teacht aníos in Strasbourg: Duais Sakharov, mórchomhlachtaí idirlín agus an óige

Thug an Chomhdháil ar Thodhchaí na hEorpa saoránaigh ó gach cearn den Aontas Eorpach le chéile le haidhm amháin: smaointe ar Aontas Eorpach an lae amárach a phlé. Seo Ania, Joshua agus Paloma atá mar chuid den Phainéal Saoránach ar an ngeilleagar, ceartas sóisialta, an óige agus an claochlú digiteach.

Ania, Joshua agus Paloma: i mbun díospóireachta ar an ngeilleagar, ceartas sóisialta agus digitiú

Clár AE is ea Erasmus+ chun tacú le hoideachas, oiliúint, spórt agus daoine óga.

Cad is Erasmus+ ann?

Tá sé mar aidhm ag CSE+ infheistíocht a dhéanamh i ndaoine agus Eoraip níos sóisialta agus níos cuimsithí a chruthú. Ba mhaith leis an bParlaimint a áirithiú go bhfuil tús cóir ag gach leanbh, go bhfaigheann daoine óga deis ar fhostaíocht ardchaighdeáin trí oiliúint agus printíseachtaí agus go dtacaítear le pobail leochaileacha.

Ciste Sóisialta na hEorpa Plus: cabhrú leis na daoine is leochailí

Phléigh an Pharlaimint ar cheart paitinní vacsaíní Covid-19 a tharscaoileadh agus ghlac clár Erasmus+ níos cuimsithí. Bhí an aeráid ar an gclár oibre freisin: Cheadaigh Feisirí an Ciste um Aistriú Cóir chun cabhrú le réigiúin oiriúnú don aistriú glas, agus d'áitigh ar an Aontas níos mó a dhéanamh chun gníomhaithe comhshaoil a chosaint. Phléigh Feisirí freisin ardú na coimhlinte idir Iosrael agus an Phalaistín.

Príomhphointí an tseisiúin iomlánaigh: Paitinní vacsaíní Covid-19, Erasmus+ agus an comhshaol

Tá an oiread sin le tairiscint ag an Eoraip maidir le cultúr - bíodh sé mar earnáil an chineama, mhór-cheoldráma, bailé nó féilte ceoil… Ach d’fhulaing an earnáil le linn na paindéime agus tá Parlaimint na hEorpa dírithe ar chabhrú le taibheoirí, ealaíontóirí agus oibrithe cultúrtha tar éis na géarchéime. Soláthraíonn an clár Eoraip na Cruthaitheachta maoiniú do thionscadail chultúrtha a bhfuil breisluach agus smaointe Eorpacha acu a chuidíonn le comhionannas a chur chun cinn.

Idir bhailé agus breakbeat: ag tacú le cruthaitheacht na hEorpa

Vótálfaidh an Pharlaimint ar reachtaíocht chun tacú leis an aistriú go geilleagar neodrach ó thaobh carbóin de agus molfaidh straitéisí do chórais hidrigine agus fuinnimh. Vótálfaidh an Seomra ar níos mó tacaíochta don earnáil cultúrtha agus dhá mhórchlár óige – an Cór Dlúthpháirtíochta Eorpach agus Erasmus+. É sin go léir agus tuilleadh, ag teacht aníos sa seisiún iomlánach.

Ag teacht aníos sa seisiún iomlánach: cláir don aos óg, dícharbónú an geilleagair agus an cultúr

Creideann Parlaimint na hEorpa gur cheart na dúshláin atá roimh an AE agus an Afraic a thapú mar dheiseanna. Caithfidh straitéis an Aontais Eorpaigh-na hAfraice amach anseo a chinntiú go n-oibreoidh an dá mhór-roinn mar chomhpháirtithe comhionanna i dtreo todhchaí inbhuanaithe atá neodrach ó thaobh carbóin de. Caithfear dul i ngleic i gcomhar a chéile i saincheisteanna amhail imirce, dea-rialachas agus oideachas.

an tAontas Eorpach-an Afraic: comhpháirtíocht nua don todhchaí

Rinne Parlaimint na hEorpa beart le hionadaithe rialtais AE chun buiséad níos glaise agus réamhbhreathnaitheach a áirithiú do na seacht mbliana amach romhainn chomh maith le téarnamh sciobtha ó phaindéim Covid-19. Tar éis deich seachtaine de chaibidlíocht dhian, fuair Feisirí €16 billiún breise in infheistíochtaí AE chun tacú le hEorpaigh, taighde a chothú agus aghaidh a thabhairt ar ghéarchéimeanna sa todhchaí.

77 torthaí